Maa,
Aaj is Jivit Putrika vrat ko poori shradha se karte hue aap se meri yehi kaamnaa hai ki apnaa varad hast mere bete par banaaye rakhein. Aur aapke charanon mein meri prarthnaa sweekar ho ...
Meri Prarthna (I picked it from Yajasva)
Iss ghar kaa yeh deepak pyaara baalak aayushmaan ho,
tejaswi, varchasvi, nirbhay, sarvottam vidvaan ho.
Bane suman saa komal sunder, daani bankar daan kare,
dushton se naa dare kabhi yeh shreshthon kaa samman kare,
Maanav dharm samajhkar, chalne waala chatur sujaan ho,
Iss ghar kaa yeh deepak pyaara baalak aayushmaan ho.
Vijay chaotarfaa jai ho iskee, paaye sukh samman bhee,
shat aayu se adhik ho jeevan, kare dharm hit daan bhee.
Neta bane desh kaa apne, jag bhar mein samman ho,
Iss ghar kaa yeh deepak pyaara baalak aayushmaan ho.
Param bhakt bankar Prabhu kaa, apnaa yash failaaye yeh,
laachaaron ki sewaa karke sachcha sewak kehlaaye.
Mera naam amar kar jag mein, sabhee gunon ki khaan ho,
Iss ghar kaa yeh deepak pyaara baalak aayushmaan ho.
No comments:
Post a Comment